متواضعه لعلهاااا ترتقي لذائقه الكريمـه
أتت كمــا هي فتقبلوهااااا أعزئي
..
.
.
كل فن وفيـه محسـوب ٍ يجيـده=وأنا محسوب الشعر يابو دلامـه
مثل سيف ٍ للمعاني عـاد عيـده=سطر حروف المشاعر بالفهامـه
يوم جيت الشعر وقتصيـت قيـده=أستلمت الدرع وأخذت العمامـه
هاك شعر ٍ لنقرا ينبـض وريـده=غالي ٍ عندي وعالي فـي مقامـه
مابغينـا غيـر حبكـات ٍ فريـده=مانثنى عزمي وعينـي لزعامـه
أكتب اللي فـي معانيهـا جديـده=ولاتقدم غير لصحـاب الفخامـه
للقروم اللي لهم رؤيـا ً سديـده=أترك اللي طاحن بجنبـه سهامـه
مادخلـت أم المعـارك بالحديـده=مسندي ظهري وشدينـا حزامـه
شامخ ٍ مثل الجبل مامـال حيـده=ولاصقر ٍ لاكفخ طاحت حمامـه
ما نناظر ويش يكتـب فالجريـده=ولانصافـح يـد مافيهـا كرامـه
ياطويل العمـر والدنيـا سعيـده=شفت خدك.. وسده ريش النعامه
مايجـب الأولـه غيـر الوليـده=أترك اللي مابغى غير السلامـه
من نطق في هرجة ٍ ماهي تفيـده=أشهد أنه ماسلك درب الشهامـه
يوم غابت كلمة الحـق المجيـده=ماتسمعنـا سواليـف الرخـامـه
ماتصفق لك ترى اليـد الوحيـده=لو يشيب الراس وتقـوم القيامـه
ويوم كل ٍ وده ابنفعـت عضيـده=مالحقت مسلم على مسلم ملامـه
رح تعلم من صواديـف ٍ شديـده=كل صادوف ٍ على صدري وسامه
الخطـاء منـه تعلـم لا تعـيـده=قبل لا يحتاج للموقـف صرامـه
أنت غير مسجل في شبكة الثريا الأدبية . للتسجيل الرجاء إضغط هنـا
للموقف صرامه
العرض العادي
